德記大排檔

營業中

休息中

今日約咗朋友仔喺火炭食大排檔，今次幫襯德記，雖然而家係夏天但係好在大排檔都有冷氣嘆，不過揸車黎既朋友仔就要注意，因為好多時都會有警察哥哥嚟抄牌，萬一俾警察哥哥幫你加餸就唔係咁好。今次一行五人點了什菜粉絲煲，粟米魚肚羹，椒鹽墨魚咀，中式牛柳，燒乳鴿，椒鹽豆腐(大排檔送既)同埋 XO 帶子蝦球三鮮。每碟餸份量都好多，而且味道都唔錯不會太淡或者太鹹，我哋幾個人去食連白飯都唔使叫，食餸都已經個個食到好飽，加埋飲品埋單每人都只係 $120 都幾抵食。