起鍋 (已結業)

香港人無論幾時都好都好鍾意打邊爐😆呢晚朋友帶咗我去灣仔呢一間超型格嘅起鍋☺️齋係門口都有排打卡啦～除咗有好搞鬼嘅霓虹燈經典金句之外，天花板仲有七彩燈籠🏮第一次打邊爐調味料區會有咁多唔同香料可以拎🤓除咗一般嘅香蔥，芫荽，炸蒜等等之外‼️仲有青檸、檸檬葉、香茅、蝦醬等等特別嘅調味‼️難怪店家都寫住呢個係絕世混醬😆我地揀咗食超豐富嘅起鍋二人套餐，唔使另外加購其他嘢已經食到超飽🤩有機蕃茄薯仔湯店員一放低個湯就叫我地先飲一碗！湯頭好清甜，飲晒成碗都唔口渴😋鍋底入邊有蕃茄、薯仔、多到數唔到嘅紅蘿蔔、粟米，仲有三大嚿豬骨🤩響鈴午餐肉午餐肉用腐皮包住拎去炸，口感外脆內軟味道唔會好鹹，有幾好味喎😚呢個前菜非常滿意！潮汕牛拼盤呢個牛拼盤有四個唔同部位🐮分別有大大塊超滿足嘅匙仁、油脂感十足嘅雪花、柔軟得黎爽彈嘅匙柄、爽脆有嚼勁嘅三花🥰海鮮拼盤有兩隻好鮮甜飽滿嘅生蠔、超厚肉大大嚿嘅蟶子皇、大大粒脹卜卜沙白蜆😇
手打丸類方面要左Q彈嘅蝦丸、牛肉味濃郁兼爆汁嘅牛丸、超有驚喜嘅梅菜豬肉手打丸😍自家製餃子方面要左爆餡嘅韭菜豬肉餃、鮮甜多汁嘅黃芽白大頭菜豬肉餃、芫荽味突出嘅芫荽豬肉餃😜本地時令菜拼盤裏面有菜心、油麥菜、白菜仔