正潮樓 (富通大廈)

營業中

休息中

正潮樓與朋友行街經過灣仔一間裝修古色古香的酒樓正潮樓,記得之前食過好好味,橫掂肚餓一於再來品嘗正宗傳統潮州菜,正潮樓由國家級大師傅主理,食物質素有保証,服務員招呼殷勤有禮。火腿護國菜護國菜係潮汕傳統特色菜羹,用番薯葉切碎烹調,再配上火腿絲,上桌冰碗羹碧翠綠,不膩,不鹹,口感綿滑。鹵水鵝翼再加多一隻鵝蛋,配有花生和鹵水豆腐,廚師將鵝翼鹵得夠入味,唔會過鹹,有口感吾會韌,骨肉分離帶有鹵香味。沙爹牛肉炒棵條炒棵條配料有玉蘭,牛肉份量都不少,沙爹同牛肉係最佳嘅配搭,潮州棵條比較幼細,香濃的沙嗲和嫩滑的肉,令到每條棵條都沾滿沙嗲牛肉汁。甜椰汁雪耳潮州糖水之一,滿滿的雪耳鋪滿整碗椰汁糖水,雪耳食落有口感又清爽,微甜,啖啖都有香濃的椰香味。