金蘭花泰國菜 (已結業)

雖然好耐無食泰菜，但我對泰菜嘅喜愛係無減少到嘅。今次終於約到人食泰菜啦。我地三個人都叫咗幾多嘢下，泰式串燒：肉質好鬆軟入味，加上特製醬汁，好惹味。恐龍蛋：第一次係泰國餐廳食恐龍蛋，唔知原來仲有咁嘅菜式，佢係蝦膠包皮蛋，咁嘅做法味道真係唔錯，令到口感多一種層次。海南雞：肉質好嫩滑，雞皮都好爽彈，醬汁點串燒嘅特製醬汁，更加提鮮。馬拉盞炒碎肉：好鐘意馬拉盞嘅香氣，呢碟認真餸飯。叫嘅每一樣菜式我地都幾滿意，值得再試嘅。下次會考慮慶祝朋友生日，因為我見隔離枱會有個芒果花花糯米飯做生日cake，好得意啊，我都好耐無食芒果糯米飯啦。宜家寫食評又勾起我嘅泰國菜癮啊~