起鍋 (已結業)

灣仔地點方便，幾時想食打邊爐都可以打😆 環境幾特別仲有好多打卡位～呢度嘅牛仲用咗鷓鴣牛，肉味會更加濃郁湯底揀咗胡椒蘿蔔牛蹄筋，胡椒味好香好惹味，入邊嘅牛筋係鷓鴣牛嘅牛筋，煮多一陣個湯之後之後煎開一塊塊食都好好味😋最主打嘅牛肉我哋揀咗三款，池板，牛舌同封門柳，肉味好濃郁，肉質比較實在，脂肪比較相對手切肥牛低，打邊爐用呢種牛肉都幾正🤤之後揀咗西班牙黑毛豬，豬肉好冧好吸湯，而且唔多脂肪，健康之選！配料我哋試咗餃子同埋手打丸，餃子分別係香葉肉碎餃同黃芽白大頭菜豬肉餃，香葉肉碎餃味道好特別好有泰國嘅風味，仲有少少豆角喺入邊好爽口，而黃芽白大頭菜豬肉餃就好新鮮～手打丸類我哋試咗蝦丸同墨魚丸，味道好新鮮而且好彈牙之後仲試咗凍豆腐同埋炸魚腐，炸魚腐即刻食超級正，係魚肉加豆腐混合，所以做到外脆內軟既口感。凍豆腐煮一陣吸收左湯嘅精華之後食，好鮮甜。本地有機菜盤，款款蔬菜都好新鮮，而且份量好足夠。最後食埋個水雲面，煮大約2分鐘，個面仲可以保持咗彈牙嘅口感，黎食記得要試呢個面🤤