五指間蘭州牛肉麵

營業中

休息中

Lunch想食個熱辣辣嘅湯麵，去咗灣仔五指間蘭州牛肉麵。餐廳好似快餐店形式咁，先點餐後自己取餐。裝修簡約乾淨。蘭州牛肉麵：湯底清甜。牛肉係用牛腱部位，所以咬落林得嚟有彈性。拉麵質感爽滑。紅燒牛肉麵：呢個係新出品。我覺得好似台灣牛肉麵嘅味道，係濃濃嘅湯底。牛肉粒有一定厚度，咬落有口感。肉粒帶有點點肥膏唔會太乾太韌。牛肉粒吸收紅燒湯的味道後為更吸引。羊肉串：唔會太細粒，口感彈牙。孜然味惹味。孜然牛肉肉夾饃：孜然味粉配牛肉都好夾，比較重嘅調味再配以肉夾饃，可以平衡返個味道，唔會太鹹。凍酸梅湯：酸梅湯濃郁，酸酸美味幾開胃，又唔會太甜酸奶：有驚喜，真係好食過平時超市買嗰啲，果然新鮮製造係唔同。