霸嗎拉麵 (金巴利道)

營業中

休息中

好耐都冇食過霸嗎，事隔幾年，依然好味！ 當日行緊佐敦尖沙咀，友人提意去食拉麵，我地就想去食個間好耐都冇食過嘅霸嗎。霸嗎當年排隊排到傻，不過今次我地四點幾去食，唔需要排隊。但出乎意料的係，店內都竟然只係得番兩個空位。講緊係人流最少的時間，非常得人驚。 一坐低，一定係叫招牌架啦！炙燒豚肉味玉拉麵，食霸嗎唔食豚肉點得架。其他就揀左硬麵，少油。 拉麵依然有咬口，唔會淋哂，硬麵啱哂我口味。而炙燒豚肉真係不得了，入口即化，又唔會食到成口油，感覺唔肥膩，黎霸嗎真係必食。另外霸嗎好食的一點就係佢個湯底超級濃香，咸味配合拉麵配中，就咁飲就有啲咸。由於我叫嘅係少油版，相信如果叫正常的會更有油香。 霸嗎一直靠佢勁濃的湯底同炙燒豚肉，成為左店舖的個性，令到大家一記起超濃拉麵就想食佢，相信下次我都會再番轉頭。