四姐川菜

營業中

休息中

朋友仔好鍾意食川菜，又鍾意多樣化試多幾款，見餐廳有套餐，人頭計360，有2個涼菜同3個主食，款式都好多選擇。入到去餐廳聞到四川香料既香味同埋紅油既香氣，食指大動。招牌四川涼麵招牌涼麵勁好食，應該加左d酸菜，味道酸辣好味，麵質有咬口，嗰醬真係勁好食，如果有得賣就好啦😁川式椒鹽蝦蝦炸到隻隻香脆金黃色，帶有蒜香椒鹽味，又唔會太鹹，食到一隻接一隻，香脆可口，一定要試。招牌重慶水煮魚一上菜香氣撲鼻，份量十足，魚肉好大舊，肉質嫩滑，配菜有大量芽菜同寬粉，味道一絕。蒜泥青瓜看似清淡但食落味道好夠，帶香濃蒜味。青瓜新鮮又爽脆同入味，鐘意食蒜既朋友一定好滿足。干煸四季豆四季豆係我食川菜必點，所以對於佢都有要求，一上枱個外觀已經覺得好靚仔。炒得好有鑊氣，四季豆口感係脆既，係我鐘意既感覺，食到停不了口。