潮城潮汕火鍋

營業中

休息中

潮汕牛肉火鍋係廣東省潮汕地區嘅一種火鍋，特別之處在於鍋底只採用牛骨清湯同白蘿蔔，務求讓客人品嚐到牛肉本身嘅鮮味，湯底清淡，帶牛肉香氣，蘿蔔同粟米吸滿湯汁，淥到差唔多店員亦會主動過嚟幫手加湯（唔係水），唔會變淡🫶肉類品種好多，匙仁佔全牛比例3%，係牛肩胛骨上面托著嘅一塊部位，因為連著脖子，肉質較結實、匙柄佔全牛比例2%，喺正匙仁下面，被稱為牛肉最好嘅部位，中間有條明顯嘅白色肉筋，入口軟嫩。蒙古羊肉片望落好多脂肪，食落意外地唔肥膩，冇騷亦唔嚡，幾有驚喜。炸獅頭鵝肉丸第一次食，口感彈牙帶咬口，淡淡鵝肉香氣。豬肉栗米餃大大粒，皮薄餡靚、魚册由魚肉漿製成，係廣東潮汕嘅特色美食，條條鮮甜美味，值得一試。