Cafe 360 (已結業)

每日諗lunch食咩相信係不少人都好頭痛嘅事，又想好食，又想經濟實惠。特別係食來食去都係個幾間餐廳，好易食厭。好彩朋友話之前食過呢間，大隊就跟住一齊去，又可以諗少餐要食咩。呢間餐廳位置都算寬敞，而且唔少位。即使我地一行5－6人都坐得舒服。睇睇餐牌，價錢唔係太貴。重點係lunch set主菜都好豐富，好多款都吸引咁。芥末蜜糖炸雞拼窩夫配意大利蕃茄湯螺絲粉一見到呢個set又有螺絲粉、炸雞同窩夫，即刻就覺得超值，一定要點。炸雞幾香脆，蘸上黃芥末更刺激可口。窩夫外脆內軟，可惜表面較硬身，影響咗口感。蕃茄湯螺絲粉酸酸甜甜，頗開胃，但無太大驚喜。