牛陣 (德福廣場1期)

營業中

休息中

日式任食邊爐有好多選擇，今次去咗牛陣食邊爐。放工時間人流都幾多，好彩等咗一陣就好快有位。揀咗第二平嘅套餐，有埋海鮮墨魚仔同魚塊。湯底就揀咗壽喜燒同埋蕃茄湯。普通美國肥牛偏瘦，食落有d 硬身。之後揀返澳洲牛，油脂多番少少，比較易入口。另外要讚佢有牛舌食，唔係好多舖頭有供應。自助區除咗邊爐配料之外，有不少熟食，例如關東煮、炸雞、咖喱飯。關東煮可能放得太耐，所以比較淋淋，唔試都得。最後都係主力食返牛肉打邊爐就算。整體邊爐配料都好新鮮，蔬菜好多選擇。牛肉質素中上，出餐速度都快，店員都勤力收盤。最欣賞係有任食Häagen-Dazs雪糕，不過就要自己裝。整體評價OK，見到人地d 高級牛好似唔錯，有機會再去試。