AnyMomentCafé

唔知係咪錯覺，覺得而家樓上cafe越嚟越少，可能周圍都開咗連鎖店啦。諗返讀書嗰陣，真係成日同同學去cafe hea，飲杯嘢、傾下計，就係咁簡單。

今日去咗旺角嘅AnyMoment Café，上到去感覺幾舒服。最正係有好多board games玩，我哋拎咗幾款未玩過嘅，研究咗好耐先識玩，笑到卡卡聲。

叫咗咖哩飯，咖哩汁幾香，撈飯食唔錯。芝士薯條係即炸，脆脆地配溶咗嘅芝士，幾好。意粉就正常發揮，同其他cafe差唔多。

其實幾懷念以前cafe嘅氣氛，而家越嚟少呢種店，所以遇到好似AnyMoment咁，有得玩有得食，坐得又舒服，已經好滿足。