影片
更多
2023-04-26
303 瀏覽
又返嚟食阿木啦！番茄牛肉牛筋麵 $74之前食過幾次原味嘅牛肉麵，今次轉下口味，食番茄味。次次食佢嘅牛肉牛筋都好多，所以我決定今次叫少肉，但都係食唔晒！今次叫咗粗麵，我個人覺得比本身嘅麵底好味，下次會想試下米粉～芝士肉鬆蛋餅 $44蛋餅係我最鐘意食嘅台灣小食之一！前排去完台灣，對蛋餅真係念念不忘，嗰排每日早餐都係食蛋餅！今次來到台灣餐廳，一定要叫一份食吓！阿木嘅蛋餅餅皮屬於淋身，同平時喺台灣食開嘅有少少唔同，台灣當地嘅比較脆身。阿木嘅蛋餅餡料非常多，每次夾嘅時候都會跌啲出嚟！我最鍾意食佢裏面嘅肉鬆，香甜鬆脆，好可口～黑糖珍珠鮮奶 $34好耐冇飲過珍珠鮮奶，所以決定久違地叫一杯嚟飲吓！我叫嘅係正常甜度，甜度啱啱好，唔需要少甜都可以～珍珠煙韌而且份量多，啱曬珍珠控！另外，佢哋而家開始賣緊台灣糭啦！有興趣嘅可以買來試吓～
番茄牛肉牛筋麵 $74
之前食過幾次原味嘅牛肉麵，今次轉下口味，食番茄味。次次食佢嘅牛肉牛筋都好多，所以我決定今次叫少肉，但都係食唔晒！今次叫咗粗麵，我個人覺得比本身嘅麵底好味，下次會想試下米粉～
芝士肉鬆蛋餅 $44
蛋餅係我最鐘意食嘅台灣小食之一！前排去完台灣，對蛋餅真係念念不忘，嗰排每日早餐都係食蛋餅！今次來到台灣餐廳，一定要叫一份食吓！阿木嘅蛋餅餅皮屬於淋身，同平時喺台灣食開嘅有少少唔同，台灣當地嘅比較脆身。阿木嘅蛋餅餡料非常多，每次夾嘅時候都會跌啲出嚟！我最鍾意食佢裏面嘅肉鬆，香甜鬆脆，好可口～
黑糖珍珠鮮奶 $34
好耐冇飲過珍珠鮮奶，所以決定久違地叫一杯嚟飲吓！我叫嘅係正常甜度，甜度啱啱好，唔需要少甜都可以～珍珠煙韌而且份量多，啱曬珍珠控！
另外，佢哋而家開始賣緊台灣糭啦！有興趣嘅可以買來試吓～
張貼
