Butlery

營業中

休息中

沙田新城市廣場行下，見到butlery裝修得幾靚，價錢都唔太貴，所以就同朋友試下。叫左個MO burger,餡料係安格斯牛肉，炒洋蔥蘑菇 ＆芝士漢堡，個包好鬆軟但微温，軟淋淋好軟熟。牛肉漢堡好厚身又多肉汁，再配埋洋葱磨菇更香更有層次感。整體好好食！忌廉牛油果醬薯條，薯條粗身香脆有質感，topping加上牛油果醬，蕃茄莎莎，令層次更多變！口感豐富。全日早餐有厚班戟，炒滑蛋好得，非常香滑，英式香腸，煙肉＆炒蘑菇，即叫即整，等既時間會長dd, 但新鮮熱辣都非常值得。脆炸爆谷蝦肉，外層酥脆唔油膩，蝦肉都彈牙，而醬汁係香蒜蛋黃醬，非常惹味。甜品係厚班戟焦糖牛油配水果，班戟係非常好食，夠鬆軟，帶有甜甜既微秒變化，富有濃濃蛋香，超正，配埋楓葉糖漿更加清新。