影片
更多
2022-05-18
900 瀏覽
一想打邊爐，就諗起佐敦嘅打邊爐，間舖真係叫打邊爐呀😂😂。响佐敦廟街，近龍堡賓館喜歡佢湯底選擇多，今日想滋潤啲，所以叫咗鮮椰青雞煱，侍應首先將半隻雞炒香，再倒二鍋頭，加火燒一燒去雞小小嘅腥味，然後倒入一個鮮椰青，再加煲咗大半日嘅湯底，煮十分鐘，未食已經聞到好香嘅椰汁味。先飲吓個湯，清甜到不得了，一口氣連飲咗兩碗；再食下啲雞肉，啱啱熟好嫩滑打邊爐唔少得嘅手切本地肥牛，單睇啲油花嘅分怖，已經令人食指大動，一口咬落去，有油香又有肉香，非常好食西洋菜餃落料好足，中間仲放咗一粒鮮帶子，加埋肉味，鮮上加鮮本來想叫釀流沙蝦丸，但又想試梅菜豬肉丸，咁侍應好識做，幫我哋分一半上。蝦丸入邊有鹹蛋黃，做到流沙嘅效果，梅菜豬肉丸口感鬆軟，一啲都唔硬，兩樣都好食食得肉多就叫咗個蔬菜盤，有幾種唔同嘅時令菜，娃娃菜特別吸湯，淥耐咗都好食而響鈴係即叫即炸，上枱時仲暖笠笠，就咁點甜酸汁食又得，放落湯灼一灼食又得，兩個方法都好食久唔久先打一次邊爐，所以要搵間高質素嘅，今晚呢個選擇就非常正確，好食又抵食👍
响佐敦廟街，近龍堡賓館
喜歡佢湯底選擇多，今日想滋潤啲，所以叫咗鮮椰青雞煱，侍應首先將半隻雞炒香，再倒二鍋頭，加火燒一燒去雞小小嘅腥味，然後倒入一個鮮椰青，再加煲咗大半日嘅湯底，煮十分鐘，未食已經聞到好香嘅椰汁味。先飲吓個湯，清甜到不得了，一口氣連飲咗兩碗；再食下啲雞肉，啱啱熟好嫩滑
打邊爐唔少得嘅手切本地肥牛，單睇啲油花嘅分怖，已經令人食指大動，一口咬落去，有油香又有肉香，非常好食
西洋菜餃落料好足，中間仲放咗一粒鮮帶子，加埋肉味，鮮上加鮮
本來想叫釀流沙蝦丸，但又想試梅菜豬肉丸，咁侍應好識做，幫我哋分一半上。蝦丸入邊有鹹蛋黃，做到流沙嘅效果，梅菜豬肉丸口感鬆軟，一啲都唔硬，兩樣都好食
食得肉多就叫咗個蔬菜盤，有幾種唔同嘅時令菜，娃娃菜特別吸湯，淥耐咗都好食
而響鈴係即叫即炸，上枱時仲暖笠笠，就咁點甜酸汁食又得，放落湯灼一灼食又得，兩個方法都好食
久唔久先打一次邊爐，所以要搵間高質素嘅，今晚呢個選擇就非常正確，好食又抵食👍
張貼
