呢度而家有「一蚊啤酒🍻」好似係可以飲10杯鍾意劈啤酒嘅就真係超級正啦🤣
$298「咯咯雞花膠湯」：店長姐姐叫我哋等湯底煲滾就飲番碗湯然後先開始打邊爐，湯底真係味道濃郁好鮮味😋；花膠同雞另外一個碟分開上，花膠大大件有6件，廚房已經將雞件煮到7成熟所以再淥一下就食得，花膠同雞都幾滑幾好味🤣
仲有擺得靚靚 好多嘅 condiments 可以選擇🤩，其中一款係「自家製蔥頭油」真係好香蔥味仲可以一樽樽咁買外賣攞走🤣
$68「紫茶炸響鈴」：響鈴🔔應該係啱啱炸好，非常鬆化，熱辣辣，裏邊仲有一片紫菜，就咁食香口，放落打邊爐湯底灼1秒食又得🤣
$69「日本扇貝2隻」+ $69「大連鮑魚2隻」：扇貝同鮑魚已經起咗肉離殼，淨係將鮑魚肉同埋扇貝肉放入火鍋裏邊灼2-3分鐘就食得😋；我哋將兩樣都灼到啱啱熟，鮑魚肉質爽滑，扇貝就軟熟，兩樣都味道鮮甜🤩
$138「西班牙黑毛豬」：目測估計大約77%瘦肉23%脂肪，脂肪比率唔算太高，食落軟熟幾好豬味仲感覺健康啲🤩
$98「白鱔片」：新鮮、味道鮮甜🤣
$90「雙拼餃子🥟自家製芫荽餃子自家製韭菜餃子」：隻隻都脹卜卜，韭菜餃裏邊有大量好新鮮嘅韭菜🤩，芫荽餃裏邊有大量好新鮮嘅芫荽🤩，豬肉比例少，食到蔬菜鮮味，感覺健康啲🤣
$138「原條鮮活桂花魚」：桂花魚好新鮮，原條切開一片片或一件件，有啲淨肉有啲連骨🤩，輕輕灼十零廿秒嚟食，肉質美味鮮甜🤩
$45「皇帝菜」：新鮮爽脆，顏色翠綠，份量亦都幾多🤩
$18「大紅袍烏龍茶」、$16「梳打水」、$18「零度可樂」：簡單、清新、幾好飲🤣
