首先必推昆布湯底配活魚海鮮盛合！個盛合賣相勁吸睛，冰船上面鋪滿每日鮮活即劏、手工現切嘅鱲魚片，仲有肥美的海蝦同大蜆，望落就知夠新鮮～ 昆布湯滾起先落蜆，啲湯即刻鮮甜升級！鱲魚片切得超薄，輕淥十零秒就熟，入口嫩滑到唔使咬，滿口都係魚鮮同昆布香；海蝦爽口彈牙，蝦頭仲有膏，正到豎拇指～記住火候要控制好，淥耐咗會韌㗎！
另一個台式鳳梨啤酒蝦燒鍋同樣出色！上枱就聞到鳳梨香甜，仲連埋一支啤酒添～湯底酸酸甜甜帶微酒香，超開胃！大蝦吸盡湯汁，食落爽甜夾住果香，點埋配套醬汁更惹味～
最加分係呢度有任食生果同滷肉飯！打邊爐中途食返兩件清甜西瓜、哈密瓜，個口即刻refresh；滷肉飯肥瘦均勻，滷汁香得嚟唔死鹹，忍唔住扒咗半碗～
