影片
更多
2024-03-31
63 瀏覽
今日lunch唔知食乜好，求其搵間車仔麵食啦，就去咗尖沙咀天下無雙車仔麵。餐廳簡潔明亮。客人點餐直接圈喺餐牌上面就得喇。今日我哋兩個都好肚餓，所以叫多啲嘢食試吓先。淨牛三寶（$78）：有牛丸，牛筋同牛腩。牛丸有三粒，口感彈牙。牛筋同牛腩份量都多。牛筋夠腍夠入味。炸雲吞（$48）：熱辣辣脆卜卜。內餡係豬肉餡。配埋醬汁一齊食就更開胃。秘製大腸（$18），牛柏葉（$18），陳皮鯪魚餅（$18），稻庭烏冬底（$15）：牛柏葉煮嘅時間啱啱好，一啲都唔韌。大腸乾淨，煮得入味。陳皮鯪魚餅係炸過先加入車仔麵入邊，咁就更加香口。稻庭烏冬一向有保證，質地唔會太腍又夠滑。無雙魷魚（$18），豬腩肉（$18），豬手（$18），通菜底（$10）：無雙魷魚好食，有咬口之餘唔會好似擦子膠咁韌，調味有層次得來唔會過鹹。豬手炆得夠腍。豬腩肉個皮煙煙韌韌，膠原充足。菜底健康啲，新酮人士都可以嚟食。凍檸樂（$18），凍無糖檸樂（$18）：車仔麵配可樂一向係最夾。再加埋檸檬底，更加開胃清新。
今日lunch唔知食乜好，求其搵間車仔麵食啦，就去咗尖沙咀天下無雙車仔麵。
餐廳簡潔明亮。客人點餐直接圈喺餐牌上面就得喇。今日我哋兩個都好肚餓，所以叫多啲嘢食試吓先。
淨牛三寶（$78）：有牛丸，牛筋同牛腩。牛丸有三粒，口感彈牙。牛筋同牛腩份量都多。牛筋夠腍夠入味。
炸雲吞（$48）：熱辣辣脆卜卜。內餡係豬肉餡。配埋醬汁一齊食就更開胃。
秘製大腸（$18），牛柏葉（$18），陳皮鯪魚餅（$18），稻庭烏冬底（$15）：牛柏葉煮嘅時間啱啱好，一啲都唔韌。大腸乾淨，煮得入味。陳皮鯪魚餅係炸過先加入車仔麵入邊，咁就更加香口。稻庭烏冬一向有保證，質地唔會太腍又夠滑。
無雙魷魚（$18），豬腩肉（$18），豬手（$18），通菜底（$10）：無雙魷魚好食，有咬口之餘唔會好似擦子膠咁韌，調味有層次得來唔會過鹹。豬手炆得夠腍。豬腩肉個皮煙煙韌韌，膠原充足。菜底健康啲，新酮人士都可以嚟食。
凍檸樂（$18），凍無糖檸樂（$18）：車仔麵配可樂一向係最夾。再加埋檸檬底，更加開胃清新。
張貼
