影片
更多
2023-12-15
51 瀏覽
天氣涼涼地，最啱就係食啲暖笠笠嘅嘢。同朋友 bookmark 咗尖沙咀呢間「龍鳳呈祥雞煲火鍋」好耐，今日終於夾到時間嚟幫襯。餐廳以七、八十年代舊香港為主題，店內設有大量打卡位，如：金色大龍鳳、霓虹燈牌、綠色通花鐵閘、舊式飲品販賣機、乒乓球餐桌等，裝潢充滿懷舊氣氛。餐廳主打雞煲火鍋，鍋底大部分都係以本地三黃雞炮製，我哋今次揀咗最受歡迎嘅招牌無骨鳳翼釀雞煲 ($278/細)。雞煲可以自選辣度，雞翼已經全部起曬骨，中間釀入了甘筍、西芹絲同墨魚滑，雞肉好嫩滑、墨魚滑彈牙有口感，配上帶甜嘅沙茶風味雞煲醬，惹味非常。食完個雞煲就可以叫店員加湯打邊爐，配料方面，點了龍鳳呈祥牛肉拼盤 ($338/細) 同 即製回味五香肉丁餃 ($78/6粒)。牛肉拼盤有牛舌片、手切牛肉、牛胸油、牛柏葉、牛肉粒同雪花肥牛，份量十足，而且全部都好高質，尤其是雪花肥牛，腍滑富油香；而牛舌亦爽彈有咬口。五香肉丁餃好有創意，餡料以蝦膠包住切碎五香肉丁，蝦膠彈牙味鮮，同香辣嘅肉丁完美融合。另外仲點咗山水滑豆腐 ($28) 同 即炸響鈴 ($68)，豆腐嫩滑又重豆味；響鈴即叫即炸，入口脆卜卜，放入湯鍋 1–2 秒就食得。龍鳳呈祥豐
天氣涼涼地，最啱就係食啲暖笠笠嘅嘢。同朋友 bookmark 咗尖沙咀呢間「龍鳳呈祥雞煲火鍋」好耐，今日終於夾到時間嚟幫襯。
餐廳以七、八十年代舊香港為主題，店內設有大量打卡位，如：金色大龍鳳、霓虹燈牌、綠色通花鐵閘、舊式飲品販賣機、乒乓球餐桌等，裝潢充滿懷舊氣氛。
餐廳主打雞煲火鍋，鍋底大部分都係以本地三黃雞炮製，我哋今次揀咗最受歡迎嘅招牌無骨鳳翼釀雞煲 ($278/細)。
雞煲可以自選辣度，雞翼已經全部起曬骨，中間釀入了甘筍、西芹絲同墨魚滑，雞肉好嫩滑、墨魚滑彈牙有口感，配上帶甜嘅沙茶風味雞煲醬，惹味非常。
食完個雞煲就可以叫店員加湯打邊爐，配料方面，點了龍鳳呈祥牛肉拼盤 ($338/細) 同 即製回味五香肉丁餃 ($78/6粒)。
牛肉拼盤有牛舌片、手切牛肉、牛胸油、牛柏葉、牛肉粒同雪花肥牛，份量十足，而且全部都好高質，尤其是雪花肥牛，腍滑富油香；而牛舌亦爽彈有咬口。
五香肉丁餃好有創意，餡料以蝦膠包住切碎五香肉丁，蝦膠彈牙味鮮，同香辣嘅肉丁完美融合。
另外仲點咗山水滑豆腐 ($28) 同 即炸響鈴 ($68)，豆腐嫩滑又重豆味；響鈴即叫即炸，入口脆卜卜，放入湯鍋 1–2 秒就食得。
龍鳳呈祥豐盛雜菜拼盤 ($128) 雜菜用巨型搪瓷杯盛上，內有娃娃菜、油麥菜、生菜、蓮藕片、蘿蔔、粟米、金菇和番茄等，全都好新鮮，入口爽甜清脆。
自家製陳年鹹檸七同鹹檸樂 ($38/杯) 都好正👍，鹹甜交集、冰涼潤喉。
張貼
