餐廳裝潢非常漂亮，有不少打卡位，包括搖搖千秋少女心滿滿。
大部分座位都有渡假風籃椅，坐窗邊仲會有海景，非常夢幻。今次是晚上來吃所以不太拍到海景。
一入坐馬上會有蝦片
芒果軟殼蟹米紙卷 $138
份量都幾大，一件米紙卷的大小是平時食開的兩倍大。軟殼蟹炸得好香脆，是放在米紙卷上面的，所以可以保持香脆。包埋芒果酸酸甜甜好清新。
菠蘿肉鬆海鮮雞肉炒飯 $158
有兩大隻虎蝦，新鮮好食啖啖肉。而且已經界好個蝦殼，可以輕鬆拆出一整隻蝦肉，非常細心。
炒飯炒得好乾爽，粒粒分明。有菠蘿、提子乾、肉鬆、咸蛋黃等，味道非常特別而且有層次。
鮮椰子沙冰$60
100%鮮果製造，椰子味好出，唔會過甜。沙冰非常清爽解渴。
骰仔脆多士 配 皇家奶茶雪糕 $108
骰仔脆多士係炸得非常香脆嘅細細粒西多士，仲配埋泰茶布丁，曲奇脆脆 ，黑珍珠，泰茶焦糖醬，可以自己mix and match。皇家奶茶雪糕好香滑，奶茶味濃郁。
