鮨一 (厚福街)

營業中

休息中

餐廳整體感覺幾好，有居酒嘅感覺。最鍾意佢個清酒樽既牆望落幾舒服，同埋佢而家做緊清酒放題，啱晒我😆軟殼蟹蜜柑沙律 $88蜜柑幾新鮮酸酸甜甜咁樣好開胃，配埋啲沙律菜同埋日本醋都係開胃嘅配搭，炸軟殼蟹都好好味上錦繡刺身 $348食日本嘢當然要叫刺身食啦，螢光魷魚入面有螢光魷魚子，咬落去好豐富好飽滿。帶子都好厚肉好鮮甜，咬落去有幸福嘅感覺。蝦刺身勁鮮甜同好重蝦味，油甘魚同劍魚腩亦都係我嘅最愛，仲有三文魚同北寄貝全部都好新鮮。什錦天婦羅 $98個炸漿唔錯，味道啱啱好。炸蝦都好鮮嫩，配埋其他野菜都係必食。和牛粒串 $58煙肉帶子卷串$52豚肉露筍卷 $42華味鳥雞腎串$38燒日本青椒仔 $22燒物就叫咗四款，有煙肉嘅卷物一定係首選，好少配帶子燒，感覺都好新鮮。另外個豚肉蘆筍同埋燒青椒仔亦都係我嘅最愛，蔬菜配肉真係好夾，送酒一流。清酒放題食日本嘢一定係配清酒，而家餐廳做緊清酒放題，真係好抵飲。