影片
更多
2014-04-09
1615 瀏覽
依家跟同事返完大陸做嘢，落到深圳機場，都會揀經深圳灣口岸過關，因為離機場近之餘，順路又比較少人，所以，再順路啲過埋去屯門食埋晚飯先歸家。雖然同事唔喺屯門人，但原來佢幾熟依區，介紹咗晌屯門時代廣場嘅「丸龜製麵」，話佢啲烏冬唔錯，所以，今次由佢帶路，跟佢搵食 。餐廳都幾大，以木料為裝潢為主體，簡約而帶有溫暖感 。雖然名叫「製麵」，但其實喺間讚岐烏冬專門店 ，仲以全自助形式運作，由揀主食烏冬、選配菜、取調味、回收餐盤食具，都喺一條龍自己服侍自己，晌依個「被寵壞」嘅年代，的確喺個幾好嘅飲食自理習作體驗！如果唔知點入手，睇睇門口個介紹架，由營運監督，有日本村姑之稱嘅林慧美教你「點」「食」烏冬 。除主打讚岐烏冬，亦提供一系列即炸天婦羅、手製飯糰及關東煮，仲標榜「即製、即煮、即食」嘅宗旨，希望食客對讚岐烏冬有個美味嘅記憶。由門口開始，你已見到師傅晌開放式廚房密密手製作烏冬。烏冬款式有10多款，有醬油伴、清湯伴，又有冷系烏冬……等等。除熱賣口味，唔少得季節限定口味，又分中及大份量，揀好心水款式同師傅揚聲，如有額外追加材料，如蘿蔔茸、溫泉玉子、炒豚肉……都可以（+$5-$10），再自取托盤、羹筷
餐廳都幾大，以木料為裝潢為主體，簡約而帶有溫暖感 。
雖然名叫「製麵」，但其實喺間讚岐烏冬專門店 ，仲以全自助形式運作，由揀主食烏冬、選配菜、取調味、回收餐盤食具，都喺一條龍自己服侍自己，晌依個「被寵壞」嘅年代，的確喺個幾好嘅飲食自理習作體驗！如果唔知點入手，睇睇門口個介紹架，由營運監督，有日本村姑之稱嘅林慧美教你「點」「食」烏冬 。
除主打讚岐烏冬，亦提供一系列即炸天婦羅、手製飯糰及關東煮，仲標榜「即製、即煮、即食」嘅宗旨，希望食客對讚岐烏冬有個美味嘅記憶。由門口開始，你已見到師傅晌開放式廚房密密手製作烏冬。烏冬款式有10多款，有醬油伴、清湯伴，又有冷系烏冬……等等。除熱賣口味，唔少得季節限定口味，又分中及大份量，揀好心水款式同師傅揚聲，如有額外追加材料，如蘿蔔茸、溫泉玉子、炒豚肉……都可以（+$5-$10），再自取托盤、羹筷落下一站 。
下一站喺配菜區，一字長形擺咗近10款新鮮即炸天婦羅（$7-$15件）及數款飯糰（$10-$15個），食幾多就夾幾多，豐儉由人，悉隨尊便。此外，晌非繁忙時間，為保質素，可能遇到部份天婦羅缺貨，只要開句聲，店員都會為你即炸 。揀好晒配菜，或飲品，就喺俾錢嘅時候。
俾完錢，咪唔記得過嚟自助調味料區，幫你嘅烏冬整色整水，有清新嘅蔥花、微辛嘅薑蓉、卜卜脆嘅天婦羅脆粒及特製鰹魚醬油，小弟就寧捨貪心，乜都要啲 。
咖喱烏冬 $43（大） 要咗一份大咖喱烏冬，真喺咪睇小，烏冬份量好多，淋滿帶微甜嘅咖喱汁，汁醬內伴有豚肉，味道唔錯，烏冬入口頗為滑溜，咬落帶有少少韌性。
溫泉玉子 $9 追加一件溫泉玉子，單論個玉子，幾有水準，因為蛋白啱啱凝結，纏綿柔滑，而蛋黃綿流濃郁 ，不過跟咖喱撈埋一齊食，效果又似乎唔太夾 ！
食完之後，要麻煩閣下動身將托盤及食具送到去「返却口」，貫徹「全自助」嘛，都喺差在未使幫手洗埋碗啫，哈哈 ！
依類自助式嘅餐廳，其實晌香港都唔少，加埋自助收拾，其實幾值得推廣，尤其一啲小店，一人行多一小步，都好濕碎啫 。
張貼
