越萊 (福榮街)

營業中

休息中

今日同朋友行行下深水埗，在黃金商場旁邊食咗一間越南牛肉粉餐廳，叫越萊。入到去就點了一個set lunch，仲有加左個下午茶包餐。Set lunch 係越萊精選火車頭，我揀左檬粉，唔要河，一大碗粉好豐富，餸有札肉、豆卜、牛肉、牛丸、牛根，牛腩，豬軟骨、雞絲，味道都唔錯，$88。我地仲加了$18，要了一杯特飲，椰汁紅豆雪山，係沙冰紅豆冰，甜度都ok，唔會太甜；另外餐廳做活動，IG follow 佢地個page，有多個小食，今日星期三，所以有潘良帶子明蝦伴茄子，呢個係兩啖size既小食，帶子、蝦仁都爽口，幾好食。下午茶餐果個係沙沙汁魚柳包，呢個魚柳包算厚，外皮炸得脆口，餡料都好豐富 👍🏻。兩個人咁食，唔駛$150，算是中上價。