有時口淡淡都會想食車仔麵，多餸揀之餘又惹味，深水埗呢排開左間新車仔麵，入面好多餸都係自家製，廚師入廚30年，經驗豐富，湯底用豬骨、雞殼同雞爪熱製，非常用心，牛雜仲要係廚師每朝返鋪頭炆
三餸麵 $49（油麵．古法辣汁．辣菜脯｜加配：自家製韭菜餃．開心芥未貢丸．70度慢煮火焰和風豚肉叉燒 +$8）
油麵粗幼適中，彈牙不糊，自家製辣汁味道香辣先行，微麻唔嗆喉，辣菜脯鹹香脆口，食落更醒胃
韭菜餃皮薄餡香；芥未貢丸彈牙有咬口，中段有芥末香但唔刺鼻，幾特別；和風豚肉叉燒切得厚薄適中，慢煮令口感軟嫩帶油香，邊位稍微焦香，估唔到車仔麵都食到咁高質嘅豚叉燒
四餸麵 $58（油麵．秘製滷水汁｜彈牙白魚蛋．自家製雲吞．自家必食溏心蛋．自家秘製豬手 +$3／咖喱齋 +$10）
滷水汁帶微甜與八角香，唔會死鹹
白魚蛋彈性十足；自家雲吞皮薄不爛，蝦肉爽彈，用左足足1隻半蝦肉；溏心蛋蛋黃流心綿滑，鹹度適中；豬手皮啫喱感重而不膩，啖啖都有膠質；咖喱齋索晒咖喱香味，微甜不辣
蠔油菜心 $18
菜心焯得啱啱好，莖部爽脆多汁，整體清爽解膩
脆炸雲吞 6粒 $18
外皮炸到金黃脆口，咬落有卜卜聲，蝦肉同樣十足，趁熱食最香
凍檸檬茶 @$10
📌小李車仔麵 (深水埗)
地址：深水埗黃竹街3號地下2號舖
3
