影片
更多
2021-03-18
271 瀏覽
日本作為港人最愛旅行嘅地方，依段時間冇得去真係會搞到心癢癢... 今次介紹銅鑼灣依間嘅居酒屋食完真係有種飛左轉日本嘅感覺🏮除左店內裝潢夠哂和風，放滿唔同日本酒外，中間位置仲有個正方形bar枱位置，配合埋昏暗嘅燈光特別chill😚 大部分食材日本直送，主要為沖繩菜式，還原度非常高🗾 唔怪得見唔少日本人捧場啦！-水雲醋物($50) 沖繩名產海藻，非常幼身而且入口柔軟，加入調味醋，十分清爽開胃~*沖繩直送海葡萄($68) 香港比較少地方食到。質感似蟹籽，咬落爽脆，帶海水嘅鹹鮮🌊 營養含量仲相當豐富*紅芋天婦羅($68) 紅芋即係沖繩特產紫薯，口感綿密，味道清香。加上外層薄薄嘅炸漿，外脆內軟，口感一流😋*芝士辣茄汁肉碎飯($78) 店內人氣item✨ 用上日本珍珠米，粒粒彈牙飽滿，再配上面層嘅秘製辣椒汁肉碎🌶️ 帶點墨西哥風味，咁嘅配搭幾有趣！*墨魚汁炒麵($82) 本身麵條用左墨魚汁去整，所以唔會食到成口黑孖孖🤣 啲麵亦都夠彈牙，炒得幾乾身，仲會食到豚肉嘅油脂香！*沖繩風炒豬肉麵筋($62) 麵筋以小麥而成，質感軟身，再配以豚肉，蘿蔔絲，洋蔥等拌炒，幾香口嘅一道小菜🥢*苦瓜炒豬肉($98) 作
-
水雲醋物($50) 沖繩名產海藻，非常幼身而且入口柔軟，加入調味醋，十分清爽開胃~
*
沖繩直送海葡萄($68) 香港比較少地方食到。質感似蟹籽，咬落爽脆，帶海水嘅鹹鮮🌊 營養含量仲相當豐富
*
紅芋天婦羅($68) 紅芋即係沖繩特產紫薯，口感綿密，味道清香。加上外層薄薄嘅炸漿，外脆內軟，口感一流😋
*
芝士辣茄汁肉碎飯($78) 店內人氣item✨ 用上日本珍珠米，粒粒彈牙飽滿，再配上面層嘅秘製辣椒汁肉碎🌶️ 帶點墨西哥風味，咁嘅配搭幾有趣！
*
墨魚汁炒麵($82) 本身麵條用左墨魚汁去整，所以唔會食到成口黑孖孖🤣 啲麵亦都夠彈牙，炒得幾乾身，仲會食到豚肉嘅油脂香！
*
沖繩風炒豬肉麵筋($62) 麵筋以小麥而成，質感軟身，再配以豚肉，蘿蔔絲，洋蔥等拌炒，幾香口嘅一道小菜🥢
*
苦瓜炒豬肉($98) 作為一道家常小菜，做法簡單，味道卻令人著迷♥️ 苦瓜食落爽脆，味甘不會苦澀。用上日本蛋嘅關係，蛋香零舍濃，炒蛋中心位置仲保留到嫩滑嘅口感！
*
沖繩風燻豬手拌酸汁($98) 送酒必叫🍻 上枱個陣已經聞到陣陣嘅煙燻味，伴隨微微嘅焦香~ 豬手入面熱辣辣，充滿肉汁同骨膠原🐖
*
泡盛雞尾酒 ($58) 琉球群島一帶嘅特產蒸餾酒🧊 有好耐嘅歷史，酒精濃度比一般嘅日本酒高~ 配搭返少少甜酒同荔枝利口酒添加返啲果香同甜味就更易入口💕
-
估唔到係香港都揾到咁接近沖繩風味嘅居酒屋！下酒小菜非常高質，味道亦都好貼近日本，加上日本酒類嘅選擇係非常多而且夠特別，幾推薦大家去飲返兩杯😎
張貼
