火車頭越南餐室 (朗豪坊)

營業中

休息中

假日晚周圍都要等位，見呢間冇人排，貪快決定一試，點知就中伏了。首先叫咗個菠蘿炒飯，飯係濕嘅，不能稱之為炒飯。入面仲有啲生菜絲，我見識少，真係從未見過菠蘿炒飯有菜絲，可能都係啲菜令到個飯濕⋯⋯其次係馬拉盞通菜，menu標明係辣，但連我呢個譚仔十小都食唔到嘅人，都覺得佢冇味⋯⋯佢似係蝦醬溝水煮通菜⋯⋯完全食唔到味道，同馬拉盞嘅香。最後係香茅椰香浸蜆⋯⋯冇椰香味，只係普通水煮。食完，唔夠飽，都唔敢叫其他餸。呢個價錢，出面一定食到起碼有味道嘅越南菜。