松記糖水店

營業中

休息中

呢幾日夏天天氣超熱，三十四度下從商場出黎行一陣已成身汗，加上好口喝，想黎飲杯冰凍飲品。喺松記隔離開多左間糖水舖，食品價錢亦同松記相約，但話哂幫襯左松記咁多次都無失手，同少入元朗嘅友人一齊就揀返間有信心嘅啦。下午六點幾黎到，無乜客，冷氣十分涼，點了兩杯飲品就吹吹水hea下，到有客先讓返張枱出黎。大家都揀左西瓜冰，感覺上最解渴。聽住廚房切西瓜同打碎緊冰，等左五分鐘倒有得飲了。果然夠冰凍，西瓜味幾濃，清新但不甜，應該無加糖，天然嘅西瓜味呢。而且無核，上次係第二啲新果舖到飲，佢連核都打碎埋好苦，松記呢杯好好多。