壹檸壹鮮果茶

營業中

休息中

夏日炎炎，加上呢幾日酷熱天氣警告，經過觀塘，見到一間間嘅茶飲店，呢間係我之前飲過最足料嘅，忍唔住又買返杯嚟飲，飲完真係消晒暑。身為榴槤愛好者嘅我叫做杯榴槤甘露，作為榴槤控嘅我真係難以抗拒，佢擁有濃郁嘅榴槤果香，榴槤蓉喺杯底，加埋椰奶，同埋有口感嘅啫喱，絕對係消暑佳品！我哋仲叫咗杯楊梅冰茶，市面上好少見到有楊梅製成嘅飲品，清甜嘅楊梅混入茶飲裏面，飲落酸酸甜甜，透心涼。店舖最近仲推出咗優惠，買嘢飲送一個萬字夾，儲夠五個就送你一杯檸檬茶，真係好有心思。