千海水產海鮮火鍋放題

營業中

休息中

今晚去咗荃灣千海水產海鮮火鍋放題，好耐冇見過夜晚八點仲人山人海嘅餐廳，場面好墟冚。餐廳地方大座位多。自助撈海鮮區域會不停補貨無限量任撈任煮，自己揀選好鍾意嘅海鮮之後可以拎俾工作人員清洗，速度極快有得攞！今晚我哋揀咗個鴛鴦鍋，一邊係椰子雞，另一邊係蝦龍頭湯底。兩隻味都好食。海鮮種類勁多，有蝦、花蟹、螺、蜆、鮑魚、生蠔、牛肉….多到數不盡。熟食區仲有好多靚餸。例如鵝肝、小龍蝦、乳鴿、燒生蠔、比目魚、鰻魚… 就連甜品區嘅甜品都勁高質。難怪夜麻麻仲咁多人。飲品區蔬菜區都係勁豐富。人均$400有咁多嘢食，仲有咁多新鮮海鮮CP值極高！最緊要甜品有我最鍾意嘅Häagen-Dazs同燒榴槤🥰