1935 壹玖叁伍

營業中

休息中

今晚同老闆帶外國客人嚟中環威靈頓廣場嘅1935壹玖叁伍中菜館！餐廳環境高雅，服務員態度好友善。我哋點咗壺人參烏龍，茶香四溢，喝落有陣回甘嘅口感。主菜前，上咗海鮮酸辣湯，湯底酸辣得嚟唔會過火，海鮮新鮮，材料豐富，啖啖都好入味。前菜嘅陳年花雕醉鮑魚，鮑魚口感軟糯，酒香濃郁，作為前菜真係無得頂。主菜有黃金香脆軟殼蟹，蛋黃包滿整件蟹身，外脆內嫩，客人大讚好味，真係好特別！口水雞係今晚一大亮點，雞肉滑嫩，配上香辣醬，味道非常惹味。蒜蓉豆苗同螞蟻上樹都非常好味，特別係螞蟻上樹，用咗紅薯粉，煙韌滑溜，醬汁入味，真的令人好滿意。甜品方面，半透明嘅四川冰粉內，用咗粒士多啤梨鎅朵花，好別緻，好睇又好食。客人食完之後大讚美味，老闆都非常滿意！下次再有商務聚餐，1935肯定系其中之選！