Flames (海濱匯)

營業中

休息中

Flamess係觀塘海濱附近一間新開嘅西餐廳，價錢唔貴，我最鍾意佢半開放式設計，餐廳對出係一個有草地嘅平台，感覺relax得黎景觀亦開揚。餐廳入口位有酒精搓手液，侍應亦會盡量安排食客分開坐，食得更放心。Flames有套餐亦有散叫，小食、主菜、甜品同飲品都有，價錢唔貴，份量都幾多。黑松露薯條($48)薯條份量幾多，足夠兩三個人食，薯條好香黑松露味，上枱時熱辣辣。香辣炸雞($78)香辣炸雞一客都有成十件，都幾飽肚。炸皮唔會太厚，入口幾香脆，不過辣度只鬆bb辣，鍾意食辣嘅我就覺得佢唔夠辣。瑪格麉塔披薩($78)披薩一客有四件，雖然話係小吃，不過飽肚度同主菜都差唔多。披薩上面有芝士、羅勒同番茄，味道比較清新，啱晒素食朋友。燒大蝦配香草番茄汁扁意粉($158)扁意粉非常大份，一客都夠兩個人食，番茄味香濃好開胃，扁意粉軟硬適中，上面有兩隻燒大蝦，蝦肉結實爽彈，整體唔錯。總結，食物份量偏大，價錢亦公道，兩個人嘅話建議點一個主菜加兩個小食，因為如果叫兩個主菜已經肚到反艇食唔倒其他嘢。