京都一の傳

位於海港城嘅日本料理餐廳，Lunch time經常爆滿，一定要book位。今次試咗佢哋嘅lunch set - 特上雜錦天婦羅定食、A4和牛壽喜燒。特上雜錦天婦羅定食有超大條既星鰻、蝦、流心蛋、冬菇、茄子、番薯、南瓜，種類多，非常豐富，份量好多，炸漿薄，炸得香脆，夠熱。星鰻係我嘅最愛，啖啖肉。另外流心蛋一切開就有大量蛋漿，用嚟拌飯岩哂。A4和牛壽喜燒和牛質素高質，咬落去有少許溶化感覺，牛味濃，切得薄，一放入鍋好快熟，加埋生蛋再拌飯食很香。