金雞去骨海南雞專門店

營業中

休息中

位於西貢嘅金雞人流非常多，每次經過都見到坐咗起碼7成人，今次就同大家試下佢啦！！！我就叫咗一個最classic嘅海南雞飯，唔洗講啦，食海南雞一定要叫油飯。佢依到嘅油飯好掂，碟飯一黎到就聞到佢嘅油香味，最神奇就係佢食落口竟然唔會覺得好油，個油香同佢嘅無骨海南雞真係好夾，啲雞重要好滑好有雞味冇雪味，加埋佢地提供嘅三隻海南雞醬，個味道又多咗個層次。隨餐佢會送一碗湯，今次就飲咗南瓜湯，同大部分港式餐廳嘅例湯一樣，都係比較淡，不過個人覺得都冇乜所謂嘅，反正黎都係為咗個飯而唔係碗湯。碗湯可有可無。喺到推薦佢比大家試試。