Hungry Monkey (海之戀商場) (已結業)

同朋友行完街街後，見到呢個2人龍蝦套餐🦞$748，幾吸引；而且有朋友鍾意嘅燒白鱔，咁我哋就入去食晚餐啦。🐟燒白鱔$168燒得十分甘香，肉厚彈牙，十分滋味～😋🥗沖繩風沙律：有沖繩海葡萄、苦瓜、蕃茄🍅及新鮮蔬菜🥬，伴以日本沙律醬，充滿日本風味。頭盤：辣酒東風螺、蟹膏豆腐🌶️辣酒東風螺，肉質爽甜，用個叉仔吉啲出嚟食，非常有風味。🦀一客2件蟹膏豆腐，幾香滑。🔥燒物：🦞龍蝦肉上鋪滿上芝士，燒得十分惹味，而且龍蝦頭嗰度有唔少龍蝦膏，龍蝦肉則彈牙啖啖肉。再飲啖我鐘意嘅「烏龍茶🌿$38」，好正～🤭🐂香蔥牛肉薄燒，「蔥」雖然係配料，但亦係好多菜式嘅靈魂，牛肉薄燒肉質軟嫩，包裹炒得香口嘅蔥粒，咸香中帶點清香🌱。🦪廣島蠔幾肥美，以美味嘅明太子醬一齊燒，味道好夾，燒到啱啱好唔會太熟，夠晒鮮味😋。🥢A5和牛坑腩炒飯以珍珠米炒得粒粒分明香口，而且帶點鑊氣，加上煎得好香嘅A5和牛坑腩粒及雜菜，又香又暖胃。🍮鐵板梳乎厘梳乎厘做得好輕身，空氣感十足，加上味道酸甜嘅雜果粒粒一齊食，這餐好滿意😋。