影片
更多
2024-11-14
618 瀏覽
呢日同朋友喺銅鑼灣皇室堡行街，發掘咗一間幾有情調，門口有個歐陸式噴水池，入邊仲有好多花花佈置，配以黑白地板，充滿歐陸風。適合同朋友食飯打卡，甚至慶祝特別日子嘅餐廳。餐牌選擇以西餐為主，有單點之餘亦有二人餐選擇。 手工牛油香煎蟹餅 ($138）- 蟹餅除咗有蟹肉，仲有檸檬、芒果莎莎等，味道豐富。蟹餅外皮香脆，入面則充滿蟹肉嘅鮮味，亦帶牛油香味。香草焗田螺（$118）- 田螺焗得非常之熱辣辣，配埋煮得好creamy嘅薯蓉一齊食，口感一流。香蒜白酒鮮大蜆扁意粉（$168）- 呢個要推介俾鍾意食蜆嘅朋友，蜆非常之大隻，入口好鮮味。意粉整得軟硬適中，掛滿蒜蓉味，仲帶少少辣味，呢個意粉我俾好高分。 甜品點咗Apple Crumble ($78) - 份量頗多，要兩個人或以上share先得。表面呈金黃色，焗得非常香脆，入面有蘋果果肉及果仁，口感非常豐富。配以custard一齊食，口感同味道好有層次。Cuppincino ($42) - 拉花非常之靚，未飲已經聞到香濃咖啡味，入口香滑。 🍸🍸餐廳食物水準唔錯，環境非常優雅，啱晒同閨蜜傾偈或慶祝特別節日。
餐牌選擇以西餐為主，有單點之餘亦有二人餐選擇。
手工牛油香煎蟹餅 ($138）- 蟹餅除咗有蟹肉，仲有檸檬、芒果莎莎等，味道豐富。蟹餅外皮香脆，入面則充滿蟹肉嘅鮮味，亦帶牛油香味。
香草焗田螺（$118）- 田螺焗得非常之熱辣辣，配埋煮得好creamy嘅薯蓉一齊食，口感一流。
香蒜白酒鮮大蜆扁意粉（$168）- 呢個要推介俾鍾意食蜆嘅朋友，蜆非常之大隻，入口好鮮味。意粉整得軟硬適中，掛滿蒜蓉味，仲帶少少辣味，呢個意粉我俾好高分。
甜品點咗Apple Crumble ($78) - 份量頗多，要兩個人或以上share先得。表面呈金黃色，焗得非常香脆，入面有蘋果果肉及果仁，口感非常豐富。配以custard一齊食，口感同味道好有層次。
Cuppincino ($42) - 拉花非常之靚，未飲已經聞到香濃咖啡味，入口香滑。
🍸🍸餐廳食物水準唔錯，環境非常優雅，啱晒同閨蜜傾偈或慶祝特別節日。
張貼
