반찬앤쿡 Banchan and Cook (太古城中心)

營業中

休息中

之前已經有聽過Banchan & Cook，今日黎開太古就黎試下。搵到位置坐後，要出去排隊落單，收銀旁有餐具醬料自助區。海鮮蛋包飯係我最鐘意的流心蛋包飯，餐廳好貼心地比埋溫馨提示講解如何切開，用刀由蛋既尖端切向另一尖端，輕輕𠝹開熟左既蛋皮，蛋液就會流到左右兩邊，好睇又好食。炒飯底用牛肉汁炒過，味道口感都唔錯，同時亦有大蝦、帶子，青口等海鮮，整體性價比幾高。慢煮雞胸沙律沙律新鮮可口，雞胸肉相當嫩滑，唔會給予人粗糙既感覺。火山無骨炸雞無骨炸雞岩晒我呢d懶人食，除左炸雞仲有年糕，d醬汁好惹味，少許辛辣帶黎味蕾的刺激。薯條香脆可口，啱哂一大班人開心share 。烤朱古力棉花糖驚喜之作🤩，烤過的棉花糖上灑滿糖霜、碎朱古力同朱古力醬，底部有唔少餅乾碎，先食棉花糖再連餅碎一齊食，再放係整塊既餅乾上一齊食，唔同既食法會有唔同口感。荔枝檸檬沙冰好吸睛既藍色，荔枝同檸檬既比例幾好，唔會蓋過對方既味道。無花果梳打最近新出，味道好清新之餘唔會太甜，配埋辣炸雞都幾夾。