泰Grill (天晉匯)

呢間泰菜已經開咗幾年，之前嚟過坐入面食，今日天氣稍涼，見室外座位放咗部暖爐，幾好feel，決定坐出面。QR code落單，環境唔錯，但價錢又唔算高喎，點咗主食同甜品，都係$300零蚊！泰式海南雞(半隻)油飯半隻雞份量足夠2個人，雞肉質地算滑，味道唔太咸，泰式辣醬就自行加入，視乎食唔食得辣，另追加了一碗油飯。西蘭花炒蝦仁炒得比中式酒樓好，有驚喜。蝦仁爽彈，正👍🏻芒果糯米飯好可愛嘅賣相，黑白雙色糯米呈心型，口感軟糯。泰式青檸茶現代人追求健康，泰式飲品都可以走甜走冰架。🧸評分：🧸🧸🧸🧸4/5