泰然 (長發廣場)

營業中

休息中

今日約咗人去迪士尼，打算夜晚留低睇煙花，於是喺附近搵午餐食飽飽先入去🥰青衣城行8分鐘左右有間泰國嘢都想試吓，於是就去咗食泰國嘢🥰個餐牌都幾多嘢揀，其實佢仲有午市套餐。我哋兩個人叫咗生蝦，佢兩款汁都係辣嘅，出奇地竟然係綠色辣過紅色，隻蝦好爽口，配埋酸酸辣辣嘅汁好開胃。一向都好鍾意食軟殼蟹，所以叫咗個咖喱軟殼蟹。佢個咖喱係唔辣嘅，個麵包係一個土司咁大嘅份量，兩個人都食唔曬。軟殼蟹好足料，加埋有兩隻蟹。仲叫咗最鍾意食嘅泰式豬頸肉，佢豬頸肉燒得好香，加埋個汁啱啱好。因為同行嘅朋友好鍾意食海鮮，於是一定要嗌呢個大蜆煲。啲大蜆係冇沙既，而且仲有粉絲，好有驚喜。食泰國嘢點少得嘢飲，本來想飲奶蓋紅火龍果，點知賣晒，唯有轉飲奶蓋芒果。個芒果味就普通咗啲。