金亞淶泰國餐廳

營業中

休息中

我哋叫咗個二人餐，有好多嘢食，有泰式金鑽鮮菠蘿沙律、串燒豬雞各兩串、豬肉丸雞絲船粉、泰式火山骨同埋椰皇三重奏，全部味道都唔錯。我最鍾意泰式火山骨，個火山骨好大份，佢嘅肉質幾嫩，好腍身，點埋酸酸辣辣既醬汁，真係幾好味。店員會提供即棄手套，用手撕啲肉嚟食，真係正。另外，椰皇三重奏都幾特別，上面灑咗啲乾的椰子粒，下面係白色嘅一層，食落去好滑，而且好有椰香味，最下層係透明既，食落去好清爽，呢款甜品好有椰汁味，而且又唔同嘅口感，真係值得試。飲品方面，我哋叫咗椰汁珍多冰同金鑽鮮菠蘿冰，兩杯都好飲。