新泰東南亞餐廳 (馬鞍山廣場)

營業中

休息中

今次喺馬鞍山新泰東南亞餐廳呢度都係食啲泰國元素，例如冬蔭功吖，串燒吖... 但係又有些少唔同嘅，例如唔係完全的冬蔭功，而係冬蔭功+海鲜金邊粉，湯飲得，金邊粉又食得👍，串燒就係更加地道的泰國街邊豬肉串，有街邊風味。見啲待應都係泰國人居多，但當然唔使擔心，佢哋的廣東話溝通完全冇問題嘅。“泰式濕炒海鮮河”好大碟，有大蝦，有青口，有魷魚，有芥蘭，有包菜，有菇菇，份量多，濕濕哋，好易入口，真係好唔錯；“冬蔭功海鮮金邊粉”亦都同樣大碗，唔少得的彈牙大蝦，仲有两隻新鮮大隻青口，魷魚鬚，鐘意呀，啲材料同濕炒海鮮河差唔多，但係唔同嘅口味，各有特色各自各精彩。“街邊豬肉串”够晒入味，肉汁juice，滿口肉香好滋味；而作為甜品嘅“原個椰青大菜糕”似乎係“新泰”特有，第二度唔多見，享受椰汁的清甜味道，椰肉的質感，還有索晒椰香的大菜糕，多重享受，不可多得，下次來必定再試。