影片
更多
2016-02-24
3633 瀏覽
朋友介紹我黎食, 咁岩有飯局順手黎試試。5個人去食嗌到成枱都係野, 點完菜好快就有野上枱喇泰式炒椰菜苗 唔係度度食到, 味道適中, 唔太喊, 好爽口! 正! 泰式生蝦 我去食泰國野都必試O既菜式, 新鮮, 爽口! 個汁岩岩好, 唔太辣唔太酸 泰式柚子沙律, 好好食, 好開胃! 秒殺!!!!!! 第二樣必試菜式 --- 冬陰功!!! 微辣微酸, 晌天寒地凍O既天氣飲真係好岩暖身啊~~~ 炒鴨胸, 好香! 鴨胸食落口好JUICE, 連四季豆都有鴨胭味呀!!!!本人有個少少強迫症, 就係去到一間第一次食O既泰菜就要試該店O既香菜肉碎炒飯, 正如去試茶餐廳/大排檔要試楊州炒飯一樣, 但LI 味真係有少少失望!!! D 飯太爛, 味道... 好似得油味, 一D 都唔香... 完全食唔出個火喉.... 勁失望!!! 菠蘿海鮮炒飯, 飯質相比起香葉肉碎炒飯好似好少少, 同埋有少少咖哩味, 另外佢將腰果同肉鬆分開放非常體貼, 因為好似我LI D 麻煩人係唔鍾意將腰果撈埋D 飯度食, 今次唔洗專登挑出黎LU 明爐魚個汁酸酸的, 好好味, 但怕魚骨的真係要考慮清楚, 真係好多骨, 但好彩我唔驚, 如果唔
5個人去食嗌到成枱都係野, 點完菜好快就有野上枱喇
泰式炒椰菜苗 唔係度度食到, 味道適中, 唔太喊, 好爽口! 正!
泰式生蝦 我去食泰國野都必試O既菜式, 新鮮, 爽口! 個汁岩岩好, 唔太辣唔太酸
泰式柚子沙律, 好好食, 好開胃! 秒殺!!!!!!
第二樣必試菜式 --- 冬陰功!!! 微辣微酸, 晌天寒地凍O既天氣飲真係好岩暖身啊~~~
炒鴨胸, 好香! 鴨胸食落口好JUICE, 連四季豆都有鴨胭味呀!!!!
本人有個少少強迫症, 就係去到一間第一次食O既泰菜就要試該店O既香菜肉碎炒飯, 正如去試茶餐廳/大排檔要試楊州炒飯一樣, 但LI 味真係有少少失望!!! D 飯太爛, 味道... 好似得油味, 一D 都唔香... 完全食唔出個火喉.... 勁失望!!!
菠蘿海鮮炒飯, 飯質相比起香葉肉碎炒飯好似好少少, 同埋有少少咖哩味, 另外佢將腰果同肉鬆分開放非常體貼, 因為好似我LI D 麻煩人係唔鍾意將腰果撈埋D 飯度食, 今次唔洗專登挑出黎LU
明爐魚個汁酸酸的, 好好味, 但怕魚骨的真係要考慮清楚, 真係好多骨, 但好彩我唔驚, 如果唔係又少一樣正野食啊~~~
皮蛋蝦餅, 外"趣" 內"林", 一D 都唔油, 又唔覺熱氣, 如果唔係咁多人一齊食的話, 真係想成碟食哂佢呀!!!!!
題外話/補充資料：
店內有露台位置, 可望到對面九龍公園O既樹境, 但一定要預早BOOK 位要求位置, 因為佢閒日都FULL 架, 如果唔BOOK 人地真係安排唔到....
雖然晌海防道鬧市上, 大一D都唔嘈, 同一班朋友傾計完全無問題, 但有限時架, 大概有一個半鐘用饍時間
(以上食評乃用戶個人意見 , 並不代表OpenRice之觀點。)
張貼
