六公館

營業中

休息中

第二次食六公館，今次唔叫套餐，單叫點心同主食。今日陰天，所以坐窗邊都唔會曬住塊面。*千絲蘿蔔酥 $58上菜嘅時候熱辣辣，外層真係千絲，酥脆鬆軟，但有啲油腍腍嘅感覺，入面係粗條白蘿蔔絲，甜糯軟腍，整體而言我幾推薦。龍井燻樟茶鴨 $298皮煙韌但唔脆，皮下肥肉都叫厚肉，鴨肉肉味濃郁，嫩滑不柴，咸香咸香，茶葉煙燻風味濃厚，食完啲骨都聞到煙燻味。南翔小籠包 $62皮薄，但穿窿，食落一舊麵團嘅感覺，收口位厚又硬。肉餡細舊，淨係油膩又冇肉汁，食唔到肉鮮味，最失望。杬仁馬拉糕 $50馬拉糕好細舊，鬆軟但聞唔到香味，食落濕潤，但冇雞蛋香麵粉香，唔推薦。班片肉鬆脆米魚湯泡飯 $298魚湯奶白色，鮮味十足，少少張口，班片切到細細片，魚肉新鮮唔會脢，豬肉碎煲泡飯完都仲有味，泡飯腍但唔會煲到軟爛似粥，加埋脆米，有咬口又有層次感。