影片
更多
2022-06-23
5929 瀏覽
當日平日2點半左右到達，店內人流幾多。小店有唔少特別包款，好多都想買…. 芋頭酥 $10芋香幾出，而且仲食到少少芋粒，甜度唔高，個人覺得只算微甜，怕食甜野嘅人可以試下。我妹話咁多款入面最中意佢。Q酥 $10內有麻糬、肉鬆、鹹蛋黃、豆沙蓉；男朋友最中意，因為味道偏鹹，而且材料豐富，又有口感，但如果鹹蛋黃可以放係正中間就最好，我切開後得一邊有蛋黃😥。咖啡鬆餅 $9 (鬆餅上嘅紫色係因為切完紫薯包無抺刀，請忽略😂。)鬆餅好實心，入口偏乾，有少少吸哂口水嘅感覺。呢款鬆餅，無論聞定係食，都好有咖啡香，中意飲咖啡嘅我最中意係佢🤤；至於D朱古力，存在感唔大。提子鬆餅 $9味道普通，我都係中意咖啡味多D。紫薯麻糬、忌廉芝士、合桃栗子 $20/3件其實買果陣個樣脹D，大概有女仔手掌心咁大，只係拎番屋企嘅時候砸扁左😣。三款麵包都好軟熟、餡料都比得幾慷慨😲。紫薯麻糬 – 食得出紫薯味，唔係好甜，味道一般。合桃栗子 – 比紫薯甜D、好味D，有合桃粒。忌廉芝士 – 雖然味道最普通，但忌廉芝士係我最愛，所以三款中最好味係佢😋。芝士排包 $26排包望落細細條，得6厚片， 但其實好墜手，好有份量😯。重申一次我係芝士控
芋頭酥 $10
芋香幾出，而且仲食到少少芋粒，甜度唔高，個人覺得只算微甜，怕食甜野嘅人可以試下。我妹話咁多款入面最中意佢。
Q酥 $10
內有麻糬、肉鬆、鹹蛋黃、豆沙蓉；男朋友最中意，因為味道偏鹹，而且材料豐富，又有口感，但如果鹹蛋黃可以放係正中間就最好，我切開後得一邊有蛋黃😥。
咖啡鬆餅 $9 (鬆餅上嘅紫色係因為切完紫薯包無抺刀，請忽略😂。)
鬆餅好實心，入口偏乾，有少少吸哂口水嘅感覺。
呢款鬆餅，無論聞定係食，都好有咖啡香，中意飲咖啡嘅我最中意係佢🤤；至於D朱古力，存在感唔大。
提子鬆餅 $9
味道普通，我都係中意咖啡味多D。
紫薯麻糬、忌廉芝士、合桃栗子 $20/3件
其實買果陣個樣脹D，大概有女仔手掌心咁大，只係拎番屋企嘅時候砸扁左😣。三款麵包都好軟熟、餡料都比得幾慷慨😲。
紫薯麻糬 – 食得出紫薯味，唔係好甜，味道一般。
合桃栗子 – 比紫薯甜D、好味D，有合桃粒。
忌廉芝士 – 雖然味道最普通，但忌廉芝士係我最愛，所以三款中最好味係佢😋。
芝士排包 $26
芝士排包
$26
66 瀏覽
1 讚好
0 留言
芝士排包
$26
74 瀏覽
0 讚好
0 留言
排包望落細細條，得6厚片， 但其實好墜手，好有份量😯。
重申一次我係芝士控😏，當遇上呢款高溶點芝士粒多到喊嘅排包，真係愛不釋手😍，個人認為芝士含量超過三分一，啖啖都有芝士!!😋 另外，麵包質感好好，好有彈性，鬆軟，一個字「正」!!
雖然麵包價錢稱唔上平，但極有特色，而且好足料，用呢個價錢食到咁高質嘅麵包，我仍然覺得物有所值🤤。順帶一提職員態度親切、有笑容。
張貼
