Paul Lafayet (已搬遷) 新店位置

早前係UA個會員機到禁禁下發現左張Paul Lafayet既優惠券，平時成日經過都唔會留意，剩係知佢好多馬卡龍，價格不菲，非我哩啲學生哥所負擔既範圍。但見佢無啦啦醒張優惠券比我，一於比個機會自己一試。所謂既優惠其實只係買一件馬卡龍加一件蛋糕送茶／咖啡，今晚食完飯經過見佢未關門（收11)，就買返屋企當宵夜。我一向不特別愛甜，所以對Macaron無特別喜愛，亦只食過朋友手造的。整張大合影先Mango Jasmine Macaron內涵唔同平時既忌簾或者醬，係好似蓮蓉既質感，外層薄薄一層脆脆地。味道一般啦，我預期會食到好香既芒果味，或者好甜的芒果醬，但係都冇，我只係記得好甜。Raspberry & Lemon Tart就正啦，我幾中意！一黎不嬲中意法式Lemon Tart，甜甜酸酸，無咁膩。比起得個甜字，又可以扮晒有層次咁。最重要係食完會想返尋味！杯茶我就唔多講啦，對茶冇咩研究，對我黎講就係一杯好香既茶。雖然我唔中意食Macaron，但如果再有優惠券，我都會再試其他口味。