幸屋

營業中

休息中

突然發現香港人都幾鍾意食拉麵，朋友話灣仔有間拉麵店喺機利臣街，地理位置唔算好近地鐵站，但估唔到平日晚上都Full House。小店供應多款特色湯底，有拉麵有沾麵，亦有幾款小食。期間限定有北海道蟹肉湯拉麵，散發著淡淡蟹肉香氣，仲有幾片大大塊嘅肉，麵甜軟硬度適中，吸滿湯汁，湯底未算好濃郁，但飲完都唔會口渴。相比之下個人更喜歡蝦汁帆立貝沾麵，沾麵湯底濃到爆，麵條QQ哋有咬口，性價比都算高。小食方面有豆腐，凍冰冰，滑嘟嘟，入口即溶。