吞POT 雞煲火鍋.住家菜 (譽發廣場)

營業中

休息中

今日係我第一次嚟吞pot😛朋友話第一次食一定要試辣酒煮花螺雞煲，佢話會愛上🤣果然冇講錯，比起普通嘅雞煲更加鮮，花螺好加分🥰而且爽口彈牙，好食。雞件亦都唔使講，大件啖啖肉，好神奇地煮咁耐都唔會鞋口😁👍🏻食到咁上下，就叫咗啲配料，魚皮炸得好香脆，食唔停口。茶樹菇亦都好啱雞煲，入晒味。仲有最驚喜嘅騸牯牛。真係好新鮮好有牛味，一睇顏色就知係高等級，切得厚薄適中，而家做緊特價，238就食到一盤😎真係好抵。整體來講，朋友真係冇介紹錯，食得好開心，下次都會帶屋企人過嚟食。