味真 (已結業)

如果想喺沙田搵好嘅韓燒餐廳，呢間餐廳真係唔可以錯過。一坐低，店員就遞上前菜沙律同各款配料，包括泡菜、白蘿蔔、酸瓜等，仲有生菜、醃製茖蔥、芝士等搭配，真係好豐富！我地叫左以下食物：1. 豬三層肉（100g）五花腩係韓燒必食之一，呢度同韓國一樣原條上枱，油脂豐富，煎香咗之後油香四溢，喺口中大爆發，真係一流！2. 調味豬肋骨（100g）一條條豬肋骨上枱，好壯觀！可以用生菜包住舊肉，加埋泡菜同自己鍾意嘅醃料，一啖放入口，好有層次感，食到停唔到口！3. 豬皮豬皮煎香咗之後有啲似豬肉乾，口感爽彈有咬口，點埋秘製醬汁同黃豆粉，真係非常惹味，必試！4. 香腸（三條）香腸鹹香味濃，口感軟嫩紮實，每一啖都係滿滿嘅幸福感。5. 辣拌蕎麥麵蕎麥麵辣味適中，麵條爽口彈牙，配上韓式醬汁，每一啖都好有滋味。6. 韓式雞蛋羹雞蛋羹口感柔滑，入口即化，帶有淡淡雞蛋香味同清爽嘅高湯味道，令人回味無窮。飲品方面就叫佐甜米露同埋西瓜梳打。甜米露口感清爽、細膩滑潤，帶有濃濃嘅米香味同甜甜嘅糖漿味道，真係一大享受。西瓜梳打解渴提神，清涼舒爽，岩晒夏天同韓燒，飲完精神一振。