Pepper Lunch (馬鞍山廣場)

營業中

休息中

馬鞍山係眾所周知嘅美食沙漠，喺呢度即使係連鎖食店都無比珍貴😂馬鞍山市民想食靚嘅鐵板肉真係唔容易， 向來都非常欣賞pepper lunch 嘅做法， 有信心直接將生肉上鐵板出街嘅餐廳真係唔多， 大部分都係先烤過，半熟再上鐵板， 要做鐵板生肉第一樣嘢鐵板要夠溫度， 唔能夠馬虎，所費時間冗長， 對連鎖速食店嚟講係大忌， 寧願花費時間成本都唔將就，呢份誠意加分， 除咗鐵板要夠熱之外肉嘅新鮮程度都好重要， 唔夠新鮮嘅話會有好大陣雪腥味， 就咁肉眼望落去，所有嘅新鮮生肉擺上鐵板都係未經醃製， 對肉嘅新鮮程度冇信心係絕對做唔到。今次就叫咗一份牛粒薯蓉配飯， 鐵板真係好夠好夠熱， 鐵板烤肉滋滋聲響十五分鐘都未完，搭配埋自己配搭份量嘅蒜蓉醬汁同黑椒， 外香內jucy， 珍珠米煙韌有口感有嚼勁， 將珍珠米放落鐵板上烤出嘅肉汁裏面， 口感同味道昇華，非常推介呢種食法。正評係俾用心經營嘅餐廳。