土司工坊 (青衣城1)

營業中

休息中

今個星期又去青衣睇戲，由於周圍都超多人，冇咩選擇之下，揀左土司工房，的確好快可以四完食完，去睇戲。但味道就真係麻麻地。芝士吉列豬排撈麵$52，芝士味雖然有，但不濃，而且芝士醬較少。 撈麵味道不錯，用醬油撈都好難唔好食。不但碟底勁多油真係扣哂分。最大問題係吉列豬排，冇刀俾我地切豬排，但重點係炸皮同豬排分離，而且豬排超乾好鞋。男友叫的巴東牛肉黃薑飯 $56，味道反而幾好。牛肉好重香料味，醃得入味又香，肉質不硬好咬口。 黃薑飯也好香，飯粒粒分明又軟熟。配埋巴東牛肉巴醬汁食，好好味。凍美䘵，甜度適中，如同自己沖的口味，味道不算濃，但也夠味。凍咖啡加煉奶，咖啡味幾濃，用煉奶多份香滑感。好抵食，每人$60都唔使就有晚餐，加上好快有得食，唔使等好耐。味道尚可，每款食物都質素有上落，小心揀黎食，味道都唔差。