嬌姐小廚

營業中

休息中

當從朋友口中得知以前合時小廚嬌姐同丈夫出來自己搞餐廳並已經soft opening，所以係11月初已經第一時間打電話預約，幸好都book到，不過當時D booking已經好full。晚飯用餐時間分6pm 及8pm，我們揀8pm，因為可以直接食到11pm打洋。黎到等兩三分鐘已經可以入座，餐廳環境幾舒服，桌數量唔多，獨立得一間( 供14-20 餘人 , 最低消費如果我冇記錯好似萬二定萬三 )。服務員招呼好好，每一個位都好細心，我地叫左魚子醬鴨舌凍、翡翠蝦皮餃、香煎蓮藕餅、千島煙肉餅、薑蔥焗肉蟹煎腸粉、剁椒蒸馬友、生炒糯米飯、懷舊菠蘿咕嚕肉、腐乳椒絲通菜。每一味都做得恰到好處，我特別鍾意生炒糯米飯，因為出面菜館很多都炒得唔夠乾身。個蓮藕餅同千島煙肉餅非常Q 彃。咕嚕肉我覺得係去中菜館必叫，因為等同奶茶，做得好唔好, 可以睇得出廚房有冇heart同功架。我地自備左三支酒，不過都冇收我地開瓶費，嬌姐話除非自帶好多支先會勻量收返一二百蚊，淨係呢樣野已經贏晒。我地食薑蔥焗肉蟹煎腸粉都預備埋膠手套畀我地，好細心! 總結成餐飯食得好開心，一定會再黎! ( 如果book到位的話)  我地五人, 人均消費$